CEDEIRA É UNHA VILA
Dentro do currículum para primeiro temos os contidos de Cidade, vila e aldea. Así que programei un proxecto que abarca eses contidos, pero dende o que eles coñecen.
Xa estamos moi avanzados, traballamos cidades que algunha vez pisamos ou que están na nosa memoria por algún motivo especial. Evidentemente usamos a nosa vila para coñecela máis a fondo e ubicarnos nos mapas e rueiros, explicar a existencia da muralla (dende o S.XII), motivo polo que é unha vila. E fixemos o mesmo con San Andrés de Teixido, para explicar a aldea.
Agora mesmo xa case rematando o proxecto e cun interese desbordante polo tema das murallas e o encanto que xurde a calquera idade, pero máis a estas, onde os castelos, princesas, mazmorras… son a mellor historia… Ninguén quere dalo por rematado, porque cada día descubrimos algo novo, porque conseguimos que todo primeiro e segundo se implicara, porque é divertido, é noso, nos pertence!
Por todas estas razóns, vou deixar que o noso proxecto “Cedeira é unha vila” non remate aínda, seguirá en paralelo ao resto de proxectos que temos programados e que debemos tamén realizar.
Podedes ver moitas fotos do que imos facendo na área privada.