DE FESTAS POLA VILA!!
O noso proxecto de curso continúa. Xa levamos varias festas gozadas: Setembro con San Andrés, Outubro co Magosto, Novembro co Samaín (celebración compartida co alumnado de antropoloxía do I.E.S. Punta Candieira), Decembro coas Panxoliñas, Xaneiro cos Cantos de Reis (xunto aos nosos avós e avoas), Febreiro coa Candeloria (novamente co alumnado de antropoloxía) e Marzo cos Ramos de Loureiro e a súa procedencia pagana.
Esperamos con ansia o resto dos meses do ano para seguir traballando o noso Currículo Cedeirés, compartindo actividades con rapazada maior, implicando ás nosas familias e axudándonos das TICs!! Gracias pola documentación que nos brinda Rafael López Loureiro e Rafael Usero, sempre que os necesitamos.
Estade preparados porque os seguintes meses virán con moitas novidades…